આજકાલ FB ઉપર પોતાનો દાન આપતો વીડિયો બનાવી પોતાની જાતને દાનવીર કર્ણ સમજનાર બહુ વધી ગયા છે. આવા સંજોગોમાં પણ મોટાઈ બતાવવાનું લોકો છોડતા નથી...
આવી વિકૃત વ્યક્તિઓ ને કેમ સમજાવવા કે તમારી ધોતી કોઈ ખેંચી નિર્વસ્ત્ર કરી દે... પછી લોકો મોબાઈલ થી ફોટા પાડે વીડિયો ઉતારી પછી તમારા હાથ માં ધોતી મૂકે તેનો કોઈ અર્થ ખરો ?
ઉપકાર કરવાની ભાવનાથી કરેલ કોઈપણ સતકર્મ ની પ્રભુ નોંધ લેતો નથી.
એક વખત એક સેવાભાવી સંસ્થા ની અંદર કુદરતી આફત વખતે સેવા કાર્ય ચાલી રહ્યું હતું. આ દરમ્યાન એક દાદા જૂની ધોતી ઉપર બંડી પહેરી રીક્ષામાંથી નીચે ઉતર્યા. એ કાર્યાલય તરફ આગળ વધતા હતા. એક હાથમાં લાકડી, બીજા હાથમાં ઝોળી, આંખે ચશ્મા, પગમાં જુના ચંપલ છતાં ચાલમાં ખુમારી હતી.
એ કાર્યાલય તરફ આગળ વધ્યા એટલે ત્યાંની ઓફિસ ના કર્મચારીએ દાદાને રોક્યા, "દાદા લાઈન માં ઉભા રહો, અથવા અહીં બેસો તમારો વારો આવે એટલે બોલાવશું"
દાદા બાંકડા ઉપર બેસી લાઈન માં ઉભેલા વ્યક્તિઓનું નિરીક્ષણ કરી રહ્યાં હતાં... લોકો મોઢા ઉપર પોતાની ઓળખ છુપાવવા માટે રૂમાલ કે ઓઢણી ઢાંકી ટિફિન પકડી લાઈન માં ઉભા હતા...
કોઈ મોબાઈલથી વીડિયો ઉતારતા હતા તો કોઈ ફોટા પાડી રહ્યા હતા... આવા સંકટ સમયે સંજોગો ના શિકાર બનેલ વ્યક્તિઓ ના પણ ફોટા અને વીડિયો ઉતારી અમુક લોકો નીચ હરકતો કરી વિકૃત આનંદ મેળવી રહ્યા હતા...
અચાનક કોઈએ બુમ પાડી, "દાદા આવી જાવ તમારૂ ટિફિન લઇને."
દાદા નજીક ગયા, ઓફિસમાંથી અવાજ આવ્યો, "દાદા વાસણ ઘરે થી લાવવા નું."
દાદા બોલ્યા, "બેટા હું એ માટે નથી આવ્યો મારે અગત્યની વાત કરવી છે."
"પણ અત્યારે દાદા અમારી પાસે સમય નથી", ઓફિસમાંથી અવાજ આવ્યો.
"અરે બેટા, ડોનેશન માટે વાત કરવી છે", ઓફિસ ના કર્મચારી દાદા ને ઉપરથી નીચે સુધી જોવા લાગ્યા પછી બોલ્યા, "સારું આવો."
દાદા ઓફિસ માં ગયા, "બોલ્યા ડોનેશન લ્યો છો ?"
"હા દાદા અત્યારે તો ખૂબ જરૂર છે. બોલો કેટલા રૂપિયા ની રિસિપ્ટ ફાડું."
દાદા એ ઝોળી માં હાથ નાખી ચેકબુક કાઢી ચેક લખ્યો. ચેક હાથ માં પકડતા જ સંસ્થા નો કર્મચારી ઉભો થઇ ગયો. બે વખત મીંડાઓ ગણવા લાગ્યો.
દાદા સામે જોઈ બોલ્યો "દાદા, આ રકમ તમે તમારી જાગૃત અવસ્થામાં લખો છો ? તમારા પરીવાર ને આ બાબતે જાણ છે ? આ ચેક ની રકમ બે કરોડ રૂપિયા છે એ આપ જાણો છો ?"
"હા બેટા મારા પરિવાર ને ખબર છે. અને ચેક ની રકમ બે કરોડ રૂપિયા છે એ પણ હું જાણું છું. વધારે ખાતરી કરવી છે?"
"પણ આ ચેક સામે તમારે મને એક વચન આપવું પડશે."
"બોલો દાદા..."
"આ સંસ્થા માં આવતી દરેક વ્યક્તિ પીડિત હોય છે. તે કોઈ પણ ખરાબ સંજોગો ના શિકાર બનેલ હોય છે... આવી વ્યક્તિઓ ના ફોટા પાડવા વીડિયો ઉતારવા યોગ્ય લાગે છે ?"
"ના દાદા..."
"આ કોઈ કીર્તિદાન નથી બેટા તેથી. બસ મારી એક નાની શરત છે. આ સંસ્થા માં ફોટો તથા વીડિયો ઉતારવાની સંદતાર મનાઈ છે... આટલું બોર્ડ મારી દેજો..."
કાર્યાલય નો સ્ટાફ દાદા ને હાથ જોડી બોલ્યા, "દાદા કોઈના પહેરવેશ ઉપર થી વ્યક્તિ વિશે અનુમાન ન બાંધવું જોઈયે. અમે તમને ઓળખવા મા ભૂલ કરી..."
"દાદા દાન ની રીસીપ્ટ કોના ના નામે બનાવીયે...?"
દાદા બોલ્યા, "દાન નહીં, બેટા ભેટ બોલ. રીસીપ્ટ ની તો મારે જરૂર નથી છતાં પણ આપવી હોય તો મારા નામ ની જગ્યા એ લખ...*કૃષ્ણ અર્પણમ*..."
"બેટા ધરતીકંપ વખતે તારી સંસ્થા નું ઘણું અમારા પરિવારે ખાધું હતું. ત્યારેજ મેં નિર્ણય લીધો હતો. સમય આવે એક એક દાણા નો વ્યાજ સાથે હિસાબ અહીં હું પરત કરીશ."
"થોડા સંમય પહેલા મારો બંગલો વેચાયો, તેની રકમ ની વ્યવસ્થા માટે મેં જયારે મારા પુત્ર કુણાલ ને USA ફોન કર્યો ત્યારે તેણે માત્ર એટલું જ કીધુ...
"પપ્પા આપણો પરિવાર ધરતી કંપ વખતે બચી ગયો હતો એ કોઈ કુદરતી સંકેત સમજી લ્યો. આપણે ન બચ્યા હોત તો આ મિલ્કત લાવારીશ જ પડી રહી હોત...જેણે બચાવ્યા તેને અર્પણ કરી દયો..."
"જે સંસ્થા નું આપણે ખાધું હતું તે સંસ્થા ને પાછું આપી તમારું ઋણ ઉતારો પપ્પા... અહીં ભગવાને મને ઘણું આપ્યું છે. પુણ્ય નું ભાથું ભરીલ્યો મોડું ન કરતા... જ્યોત સે જ્યોત જલે. સેવાભાવી સંસ્થાઓ ને કોઈ આપશે તો સંસ્થા ચાલશે..."
"બેટા હવે જાત ચાલતી નથી. કાયમ માટે હું USA જાઉં છું. આજે આ સંસ્થા ને આપેલ વચન પૂરું કરી હું હળવો થઈ ગયો છું..."
"અહીં આવતા દરેક વ્યક્તિ દુઃખી લાચાર અથવા કુદરતી આપત્તિનો ભોગ બનેલ હોય છે. આવી વ્યક્તિઓ સાથે માનવતાભર્યું વર્તન અને વ્યવહાર કરજો કુદરત રૂઠી હોય ત્યારે આવી વ્યક્તિઓ સાથે મજાક ન કરાય..."
“ચલ બેટા જય શ્રી કૃષ્ણ”, દાદા ઉભા થયા... સાથે આખો સ્ટાફ હાથ જોડી ઉભો થયો.
*મોત માટે તો કોઈ કારણ નિમિત્ત બને છે. એ તો કોઈ પણ સ્વરૂપે આવે છે. મારનાર સાથે તારણહાર ઉપર પણ વિશ્વાસ મુકવો જોઈયે. આપણી નજર હંમેશા કોઈ પણ ઘટના વખતે કેટલા મર્યા એ સંખ્યા ઉપર જ હોય છે. પણ કેટલા બચ્યા તેની ઉપર જતી નથી.જો મારનાર માટે ઈશ્વર જવાબદાર હોય તો બચાવનાર માટે કેમ નહીં ?*
*પરમાર્થ કરવા નીકળ્યા હો, કોઈ ભુખ્યાનું પેટ ઠારવા નીકળ્યા હોવ ત્યારે તમારા મોબાઈલ થી ફોટા ન પાડતા નહિતર તમારા કપડાં જયારે ખેંચાશે ત્યારે પ્રભુ ફોટા પાડતો હશે.*
Aap ka ashirvad chahta.
Apka dost
